Тұсаукесерде автордың 10 томдық «Экономика» атты  Таңдамалы еңбектерінде алға қойылған,шешімін тапқан кең тақырыптағы өзекті экономикалық мәселелер талқыланды,посткризистік экономикадағы бәсекелестікті жүзеге асыру мәселелері біздің еліміздің дамуындағы жаңа сапаны қамтамасыз етеді.

«ҚР нарықтық экономиканың дамуының концептуалды негізі» циклдік жұмыстары үшін О. Сабден  қазақстандық экономист ғалымдар арасында алғашқы рет ғылым, техника және білім беру саласындағы ҚР Мемлекеттік Сыйлығын иеленді.

10 томдық Таңдамалы Еңбектің әр томы  жеке экономикалық зерттеу, теориялық мәселені қайтадан ой елегінен өткізу,зерттеу обьектісінің жағдайына методологиялық жағынан баға беру,алға қойылған мақсаттарды шешу, жүзеге асыру жолдары мен механизмдері көрсетілген.

Зерттеудегі мұндай классикалық академиялық ізденіс толыққандылық, аяқталған пікір,бастысы  ғылымилығы барлық томда орын алады.

Қазіргі  жаңа буын оқулық және ғылыми – экономикалық әдебиеттер басылымының жетімсіздігі сезіліп отырған кезеңде,экономист ғалым О. Сабденнің «Экономика» атты 10 томдық  таңдамалы,фундаментальды  ғылыми еңбегінің  басылып шығуы, уақытында жарыққа шыққан еңбек болып отыр.

Автор «ЭКОНОМИКА » атты 10 томдық Таңдамалы еңбектерін  М. Әуезов атындағы   ОҚМУ  Ақпараттық білім  орталығына тарту етті .

Ақпараттық білім беру орталығының Ғылыми-библиографиялық бөлімі  «Оразалы Сабден-ғалым, саясаткер, қоғам қайраткері» атты кітап көрмесі ұйымдастырылды.