Құрметті оқырмандар

Сіздердің назарларыңызға Оңтүстік Қазақстан об­лысы­ның  өлкелік кітап қорын толықтыру  мақсатында сирек кездесетін кітаптар мен құжаттарды сақтау үшін, бір даналы кітаптарды сандық көбейтуден өткізіп «Өлкетану»  дерек қорлар базасын ұсынып отыр.

Өлкетану базасының маңызды бағыттары: жаңа ақпараттық технологиялар негізінде қызмет көрсету; өлкетану қорын сақтандыруды ұйымдастыру; өлкетану туралы кітап қорын жинау, өлке тарихын, табиғатын, әдебиетін насихаттау және мәдени мұрасын өркендету, сирек кездесетін кітаптардың көшірмелерін түсіріп алу.

Өлкеде әлемнің екінші ұстазы атанған Әл-Фараби, әулие Арыстанбаб, Қожа Ахмет Яссауи сияқты ғұламалар дү­ниеге келген. Өңірдің тарихы өте терең және тағылымды. Бүгінде елдің барлық тұрғындарының 15 пайызы тап осы Оңтүстік Қазақстан облысын ме­кендейді. Оңтүстік – қазақтың қаймағы бұзылмаған жер.

Өңір шуақты күнімен, халқының жомарттығымен, меймандостығымен, салт-дәстүрге беріктігімен, ең бастысы, еңбексүйгіштігімен ерекшеленеді. Мемлекетіміздің мәйегі осы оңтүстік өлкесі болып келеді. Қазақ халқының пейілі дархан да­ладай кең болса, жері де сондай ұлан ғайыр кең. Қазақстанның әрбір өлкесі өзінше қасиетті. Десек те, Оңтүстік өзге өңірлерден өзгеше. Оңтүстіктің ауа-райы қандай ыстық болса, құшағы да сондай ыстық. Қазақтың қасиетті тілі де, салт-дәс­түрі де мұнда қаймағы бұзылмаған күйінде сақтаулы. Оңтүстіктің Түр­кістан, Отырар, Сайрам, Қазығұрт, Ордабасы, Бәйдібек, Төлеби, Созақ сынды аудандарының қай-қайсысы болса да қасиет тұнған аймақтар.