14 ақпан – Халықаралық кітап сыйлау күніне орай Ақпараттық білім беру орталығы мен М.Әуезов атындағы университет жастары орталығының ұйымдастыруымен «Ақиқат» пікірсайыс орталығы жастарының қатысуымен «ШЫН ЖҮРЕКТЕН КІТАП СЫЙЛА» айдарымен іс-шара өтті. “Ақиқат” пікірсайыс орталығының мүшелері жыл сайын, дәстүрлі түрде “14 ақпан – Халықаралық кітап сыйлау күніне” орай мерекелік іс-шара өткізеді. Іс-шараға бір апта қалғанда жеребе тасталып, қатысушы өзіне түскен адамға көркем әдебиет, психология, тұлғалық даму тақырыбындағы кітаптар сыйлайды. Жастар арасында кітап оқу мәдениетін қалыптастыру мен дамытуға бағытталған бұл іс-шараға 80 студент қатысты. Сонымен қатар белгілі классиктердің поэзияларын оқыды және өнерлі жастар домбыра күй тартып, ән шырқады.
Жастар биылғы жылы «Бір ел - бір кітап» аясында таңдалған Т.Әлімқұлов пен Ж.Нәжімеденовтың шығармаларын оқуға шақырды.
