Көпшілік іс-шаралар

Тәуелсіздік – таң нұры

Печать

19 қараша күні Ақпараттық білім беру орталығының  бас оқу залы,   «Ақпараттық технологиялар және  энергетика» жоғары  мектебі  «Ақпараттық жүйе және модельдеу»  кафедрасының  студенттері  мен  оқытушыларының қатысуымен,   Қазақстан Республикасының Тәуелсіздігінің  30 жылдығына арналған  «Тәуелсіздік – таң нұры»  атты әдеби – музыкалық  кеш ұйымдастырды. Кешті  «Ақпараттық технологиялар және энергетика»  жоғары  мектебінің  деканы  Шертаев Ерман Тельманович ашып,  жастарға  30 жыл  ішінде тәуелсіз қазақ елінің  қалыптасқанын, нарықтың қиын өткелдерінен  өткенін, осы кезеңде Қазақстан әлемдегі  мықты мемлекеттер  қатарына қосылғанын, ата- бабаларымыз ғасырлар бойы армандаған  ел тәуелсіздігі  Қазақстан халқының нағыз рухани жаңғыруына мүмкіндіктер ашқанын  айтып өтті.

            «Ақпараттық жүйе және модельдеу»  кафедрасының меңгерушісі  Изтаев  Жалғасбек  Дулатұлы, «Тәрбие ісі және жастар саясаты департаменті» директорының  орынбасары Исмаилова Мереке Ережепқызы, филология ғылымдарының кандидаты Айтмамбетов Фархад Умирзакович  сөз кезегінде  «Жер болса -  ел болады , ел болса - ер болады»  деген осынау қасиетті  мекенде , асқақтаған өлкеде, кеңшілігі кең дархан далада, егіні теңіздей толқыған , төрт түлігі өрбіген , өндірісі өркендеген мекенде өмір сүрген әрбір адам өз  Отанын жанындай сүйіп, оның көкбайрағын көкке көтеруді мақтаныш тұту керек деді. Ақпараттық білім беру орталығының   директоры м.а. Сауырбаева Индира Кабланқызы  бабаларымыз аңсаған еркіндіктің қадірін білу және келешек ұрпаққа аманаттау және жеткізу  жастар сіздердің қолдарыңызда, деп айтты және келген қонақтарға, іс-шараның өтуіне атсалысқан «Ақпараттық жүйе және модельдеу»  кафедрасының оқытушысы  Куленова Эльмира Толенбаевнаға, ИП-21-3к1 тобының  студенттеріне   ризашылығын білдірді. Ақпараттық білім беру орталығының сектор меңгерушісі Жумабаева Ботагоз Аленовна  кеште тәуелсіздік жайлы  слайд көрсетіп,  өлең оқып,  ән айтып, көрініс көрсеткен  студент жастарды марапаттады.

 

 

 

 

Референттер күні

Печать

2021 жылдың 4 қарашасында М.Әуезов атындағы Оңтүстік Қазақстан университетінің ақпараттық білім беру орталығында «Референттер күні» семинары өтті. Оқу және әдістемелік жұмыс жөніндегі проректор Абишева Р.Ж. семинарды ашып берді. Кітапхана қызметкерлері университеттің оқу процесіне көмек ретінде пайдаланушыға қызмет көрсету сапасын жақсарту үшін өз баяндамаларын және ұсыныстарын жасады.

 

 

 

 

Алаш руханияты және Тәуелсіздік

Печать

30 қазан 2021 жылы М.Әуезов атындағы  ОҚУ  университетінде «Алаш руханияты және Тәуелсіздік» атты  Республикалық ғылыми конференция өтті.  Конференцияға Ақпараттық білім беру орталығы Алаш зиялылары мен Тәуелсіздіктің 30 жылдығына арналған кітап көрмесін ұйымдастырды. Көрмеге алаш қайраткерлері А.Букейханов, А.Байтұрсынов, М.Шоқай, М.Дулатов, Ж.Аймауытов, М.Жұмабаев туралы қазақ тіліндегі көптомдық басылымдар қойылды.

 

 

ӨЗБЕКӘЛІ ЖӘНІБЕКОВ-90 ЖЫЛ

Печать
 
2021 жылы 21 қазан М.Әуезов атындағы Оңтүстік Қазақстан университетінде  «ҰЛТ РУХЫН ҰЛЫҚТАҒАН ӨЗБЕКӘЛІ ЖӘНІБЕКОВ» атты дөңгелек стол өткізілді.Дөңгелек столдың мақсаты: ірі тұлға Қазақстанның мәдениетіне, тарихына өзінің еңбегін сіңіріп кеткен ұлт азаматы, ұлт рухын ұлықтаған Өзбекәлі Жәнібековтің мұрасы және өнегелі өмірі жайлы көпшілік қауымға жұмыстарын баяндау жүргізу.
 Ақпараттық білім беру орталығы мемлекет қайраткеріміз Өзбекәлі Жәнібековтың 90 жылдығына арнап  кітап  көрмесін  жасады
 
Іс-шара барысында бірегей тұлға Ө.Жәнібековтың өмір жолы жайлы және қазақ өркениетіне, археологиясына, этнографиясына, мұражай ісі мен тарихына арналған еңбектері баяндалады, ғалымның ғылыми зерттеулері көпшілік қауымға таныстырылды.
 
Дөңгелек стол жұмысына қатысқан «Театр және эстрадалық шығармашылық» кафедрасының меңгерушісі, педагогика ғылымдарының кандидаты Жолдасбекова Қарлығаш Әбдіманатқызының шәкірті МС-18-6к4 тобының студенті Акрамов Аян Ө.Жәнібеков образын театрлық сомдап, еңбегінен үзінді оқыды. Дөңгелек стол соңында факультет және жоғары мектеп студенттері баяндамашыларға өз сұрақтарын қойып, кеш соңы ақын
Ф. Оңғарсынованың Ө.Жәнібековке «Арнау» өлеңін оқумен аяқталды.
 
  
 

Мұқағали – мәңгілік ғұмыр

Печать

  Мұқағали Мақатаевтың туғанына 90 жыл толуына орай бас оқу залы қызметкері сектор меңгерушісі Б. Жұмабаеваның ұйымдастыруымен «Мұқағали – мәңгілік ғұмыр» атты әдеби-сазды кеш «Филология» факультетінің , журналистика мамандығының, « Ақпараттық технологиялар және энергетика» жоғары мектебі, «Ақиқат» жастар пікірсайыс орталығы студенттерінің қатысуымен өткізілді. Іс-шарада студенттер М.Мақатаевтың поэзияларын оқып, көріністер көрсетті.

«Мұқағали- мәңгілік ғұмыр» атты кітап көрмесі қойылды.

  

Мұхтар Әуезов

Есепшілер

Яндекс.Метрика