Құрметті оқытушылар мен студенттер!
2024 жыл 22 қараша күні мемлекет және қоғам қайраткері
Т.Рысқұловтың 130 жылдығына арналған
«Алты Алаштың қайсар ұлы – ТҰРАР РЫСҚҰЛОВ»
атты тарихи танымдық кешке шақырамыз
Өтетін орны: Бас ғимарат, Акт залы, 3 қабат
сағ. 11.00
Биыл қазақ әдебиетінің үш алыбы – Сәкен Сейфуллин, Ілияс Жансүгіров, Бейімбет Майлиннің туғанына 130 жыл толды. М.Әуезов атындағы ОҚЗУ-де ұлы тұлғалардың мерейтойына арналған «Үш бәйтерек» атты әдеби-сазды кеш өтті. Оқу ордасының профессор-оқытушылар құрамы мен студент-жастар қатысқан кешті ұйымдастырған Ақпараттық білім беру орталығы келушілерге Алаш арыстарының құнды мұраларынан жинақталған кітап көрмесін ұсынды. Кеш «Мәдениет және өнер» факультетінің талантты студенттерінің «Үш бәйтерек» атты композициялық қойылымымен ашылды. Университеттің Басқарма Төрағасы-ректор м.у.а. Ғани Бесбаев қатысушыларды мерейтоймен құттықтап, қазақ әдебиеті мен руханиятына өлшеусіз үлес қосқан тұлғалардың өмір жолынан сыр шертіп, ұлы мұраларының ұрпаққа берер тағылымын атап өтті. Ф.ғ.к, доцент «Мұхтартану» ғылыми-зерттеу орталығының аға ғылыми қызметкері Ақжол Қалшабек, п.ғ.к., аға оқытушы Саттар Жанболатов, абайтанушы Әзімхан Исабек үш арыстың қасиеттері, ұлтты сақтап қалудағы тар жол тайғақтағы өмірлері мен тағылымды мұрасындағы тың деректерімен бөлісті.
– Үш арыстың мерейтойы республика көлемінде аталып өтіп жатыр. Біз де қазақ халқының үш бәйтерегі, адал перзенттер Сәкен Сейфуллин, Ілияс Жансүгіров, Бейімбет Майлиннің туғанына 130 жылдығын атап өтіп, осы арқылы олардың шығармаларын оқу, поэзиясына сусындату, насихаттау, жастарға біздің ата-бабамыздың қандай болғанын, кең байтақ өлкені қалай қорғағанын, бостандықты аңсап, тегіміздің мызғымас мықты екенін ұрпаққа ұғындыруды мақсат еттік, - деді Ақпараттық білім беру орталығының басшысы Индира Қобланқызы.
Жастар шоқтығы биік үш тұлғаның шығармаларын оқып, өлеңдерін шырқады. Кеш соңында ғылым мен жоғары білім саласына қызмет еткен бірқатар оқытушылар құрамы марапатталды.
25 қазан - Қазақстан Республикасы күніне «Ұлттық мереке – ұлы күн» атты кітап көрмесі.
Бұл күні біз Қазақстанның тәуелсіздік тарихының басталғанын ерекше мақтанышпен түсінеміз. Осыған байланысты М.Әуезов атындағы ОҚУ- нің Ақпараттық білім беру орталығында Қазақстан Республикасы күніне арналған "Ұлттық мереке – ұлы күн" атты кітап көрмесі ұйымдастырылды . Кітап көрмесінде мемлекет және құқық тарихы, Қазақстанның құқықтық және демократиялық мемлекет ретінде қалыптасуы туралы әдебиеттер, сондай-ақ мемлекеттің қалыптасуының әртүрлі кезеңдеріне сәйкес келетін, ел егемендігі тарихының маңызды сәттері туралы баяндайтын және өткеніміздің жарқын жақтарын бейнелейтін материалдар ұсынылды . Көрменің мақсаты – Тәуелсіздік алғаннан кейін Егемен Қазақстанның қалыптасу тарихымен таныстыру, сондай-ақ елдің қоғамдық-саяси, экономикалық және рухани өміріндегі оң өзгерістерді насихаттау, қоғамға жоғары жауапкершілік пен патриотизмді, Қазақстан азаматтарының бірлігін көрсету. Көрмеге біздің университеттің профессорлары, ғылым кандидаттары мен студенттері қатысты.
